Bul pırotehnıkalyq zattardyń sertıfıkaty joq.
25 jeltoqsan men 3 qańtar aralyǵynda respýblıkada «Pırotehnıka» jedel-profılaktıkalyq is-sharasy ótti, dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri tótenshe jaǵdaılar departamentiniń qyzmetkerlerimen birlesip, azamattyq pırotehnıkalyq zattar men buıymdardyń aınalymy erejeleriniń saqtalýyna baqylaý júrgizdi.
Jańa jyl túni otshashýlardy qoldaný kezinde 15 adam, onyń ishinde kámeletke tolmaǵan alty bala kúıip qaldy.
«Mysaly, elordada 1 qańtarda túnde aýlada otshashýdy qoldaný kezinde eki bala men olardyń ákesi erni men qolyn kúıdirip alǵan. Taǵy bir oqıǵa Astanadaǵy Nájimedenov kóshesinde boldy. Pırotehnıkalyq zattardy durys paıdalanbaý saldarynan balkon órtendi. Zardap shekkender men qaıtys bolǵandar joq», - dedi polıseıler.
Polisia.kz-tiń málimetinshe, úı ıesi polısıaǵa habarlaspaǵan. Jedel-profılaktıkalyq is-shara bastalǵannan beri barlyǵy 16 400 sertıfıkatsyz pırotehnıkalyq ónim tárkilendi.
Bir apta ishinde pırotehnıkalyq buıymdardy satý erejelerin buzǵany úshin 842 tulǵa ákimshilik jaýapkershilikke tartyldy.