Bul kórsetkish olardyń jumystarynyń turaqsyz ekenin kórsetedi.
Bul týraly «Ashyq» NQA portalynda jarıalaǵan Eńbek naryǵyn damytýdyń 2028 jylǵa deıingi keshendi josparynda aıtylǵan, dep habarlaıdy Almaty-akshamy.kz QazAqparatqa cilteme jasap.
«Qazaqstanda 1,2 mln adam beıresmı nemese turaqsyz jumyspen qamtý jaǵdaıynda jumys isteıdi. Al olardyń tabysy baǵalanbaıdy. Qazaqstanda beıresmı jumyspen qamtý negizinen tómen tabyspen jáne ónimdiligi tómen arzan eńbekpen baılanysty. Máselen, beıresmı sektorda jumyspen qamtylǵandardyń 40%-y zaýyttarǵa, fabrıkalarǵa, atelege (37%) jáne jeke qosalqy sharýashylyqtarǵa (36%) shoǵyrlanǵan. Qurylys alańdarynda (2%), ashyq bazarlarda (2%), menshikti avtokólik quraldarynda (2%) eleýsiz úles baıqalady. Sonymen qatar, beıresmı jumyspen qamtý sany 15 adamnan (57%) aspaıtyn shaǵyn uıymdarǵa tán», - delingen vedomstvo taldaýynda.
Eńbek jáne halyqty áleýmettik qorǵaý mınıstriliginiń málimetinshe, beıresmı jumyspen qamtýdyń taralýyna áser etetin mańyzdy faktor bilim deńgeıiniń tómendigi.
«2021 jyly beıresmı jumyspen qamtylǵandardyń 59%-y tehnıkalyq jáne kásiptik, al 23% orta bilim alǵan. Qalǵan 18%-nyń joǵary bilimi bar. Aýyldyq jerlerde turatyn adamdar beıresmı túrde qala turǵyndaryna qaraǵanda 2 ese kóp jumys isteıdi», - dep kórsetilgen keshendi josparda.
Osy túıtkilderdi aldyn ala sheshý maqsatynda Eńbek jáne halyqty qoraǵaý mınıstrigi Eńbek naryǵyn damytýdyń 5 jyldyq josparyn bekitýdi usynyp otyr.