Bul týraly Sanıtarlyq-epıdemıologıalyq baqylaý komıtetiniń tóraıymy Aıjan Esmaǵambetova málim etti
Onyń aıtýynsha ata-anasy qalap tursa da 12 jasqa tolmaǵan balalarǵa ekpe egilmeıdi, dep habarlaıdy Almaty-akshamy.kz.
Óıtkeni Amerıkadan tapsyryspen aldyryp jatqan «Pfaızer» vaksınasynyń myna dozasy tek 12 jasqa tolǵan balalarǵa arnalǵan eken. Biz bilemiz, muhıttyń arǵy betindegi elder 5 jasqa tolǵan balalarǵa ekpe salýdy bastap ketken. Qazaqstan ázirge ondaı qadamǵa bara qoıǵan joq. Eger qajettilik týyndap jatsa ǵana 5 jasqa tolǵan balalarǵa arnalǵan ekpege tapsyrys beremiz dedi.
«Qazaqstanda tirkelgen «Pfaızer» vaksınasy tek 12 jasqa tolǵan balalarǵa arnalǵan. Odan tómen jastaǵylarǵa salýǵa bolmaıdy. Dozasy saı kelmeıdi. Amerıkada koronavırýsqa qarsy vaksınany 5 jastaǵy balalarǵa da salyp jatqanyn bilemiz. Biraq onyń mólsheri múldem bólek. Sondyqtan ekeýin shatastyrýǵa bolmaıdy», - deıdi QR DSM Sanıtarlyq-epıdemıologıalyq baqylaý komıtetiniń tóraıymy Aıjan Esmaǵambetova.