Qos tarap toǵyz qujatqa qol qoıdy.
Qazaqstan Pákistan naryǵyna jalpy somasy 411 mln dollardan asatyn 80-ge jýyq taýar túrin shyǵarýǵa daıyn, dep habarlaıdy Almaty-akshamy.kz Saýda jáne ıntegrasıa mınıstrliginiń baspasóz qyzmetine silteme jasap.
Bul kelisim Islamabadta ótken Qazaqstan men Pákistan arasyndaǵy saýda-ekonomıkalyq, ǵylymı, tehnıkalyq jáne mádenı yntymaqtastyq jónindegi úkimetaralyq komısıanyń otyrysynda jasaldy.
«Bizdiń kásipkerler qazaqstandyq ónimdi Pákistan naryǵyna, atap aıtqanda, dándi jáne burshaqty daqyldar, ósimdik maıy, makaron, un men kondıterlik ónimderdi eksporttaýǵa, al Qazaqstan óz tarapynan jemis-kókónis ónimderin ımporttaýǵa múddeli. Bolashaqta bizdiń el Pákistan naryǵyna 411 mln dollardan astam somaǵa ártúrli salalardaǵy óńdelgen taýarlardyń 80-ge jýyq túrin jetkizýge daıyn», - dedi Saýda jáne ıntegrasıa mınıstri Serik Jumanǵarın.
Atalǵan úkimetaralyq komısıa jumysynyń qorytyndysy boıynsha taraptar toǵyz qujatqa qol qoıdy.
«Júkter tranzıti jáne tasymaldaý boıynsha yntymaqtastyq týraly memorandýmǵa qol qoıdyq. Qazirgi kezde basqa áleýetti seriktestermen Qostanaıdan Haıratonǵa deıin 2 500 tonna un jáne Pákistannan jylyna 50 myń tonnaǵa jýyq kartop tasymaldaý máselesin talqylap jatyrmyz», - dep toqtaldy qazaqstandyq Dala Trans JSHS komersıalyq dırektory Nursultan Nájimetdınov.