Talantty erekshe balalardyń sahnaǵa shyǵyp, óner kórsetý múmkindigi bar.
«Arman asýlary» atty jańa jobada erekshe balalar óner juldyzdarymen birge án aıtatyn bolady, dep habarlaıdy Almaty-akshamy.kz.
«Arman asýlary» atty jańa joba týraly Roza Baǵlanova atyndaǵy «Qazaqkonsert» memlekettik konserttik uıymy dırektorynyń shyǵarmashylyq qyzmet boıynsha orynbasary Serik Nurmoldaev málim etti.
«Arman asýlary» atty erekshe balalarǵa arnalǵan ınklúzıvti jobany bastaǵaly jatyrmyz. Elimiz boıynsha talanty bar erekshe balalardy jınap, sahnaǵa shyǵýyna jaǵdaı jasaımyz. Sol sıaqty olar bizdiń óner juldyzdarymen birge án aıtatyn bolady. Sonymen qatar bizde «Orteke» atty qýyrshaqtar teatry bar. Atalǵan óner ujymy bıyl IýNESKO-nyń tizimine endi. Osy oraıda elimizde qýyrshaqtar forýmyn ótkizý josparda bar. Odan bólek, «Astana sazy» fólklorlyq etnografıalyq ansambli jumys isteıdi. Jetekshisi Baýyrjan Aqtaev. Osy ujym bıyl neshe jylǵy eńbekterin jınap, alǵash ret álbom jarıalaǵaly otyr», - dedi Serik Nurmoldaev.
Sondaı-aq, spıker otandyq jas kompozıtorlardy qoldaý maqsatynda «Qazaqkonsert rezıdensıasy» atty jobanyń qolǵa alynyp jatqany týraly aıtty.
«Taǵy bir jańalyǵymyz «Álem sazy» atty halyqaralyq festıvál ótkizbekpiz. Oǵan 10-nan astam elden ókilderi qatysady. Sheteldik ónerpazdar 1 apta boıy konsert ótkizedi. Ýaqyty týraly qosymsha habarlanady», - deıdi ol.