Sońǵy 75 jyldyń ishinde jyldyq ortasha temperatýra 2 gradýsqa jylynyp ketken.
«Qazaqstan 2060 jylǵa qaraı kómirteginen taza el bolýdy kózdeıdi» dedi QR Prezıdenti Qasym-Jomart Toqaev, dep habarlaıdy Almaty-akshamy.kz
BUU Bas Assambleıasy 76-sessıasynyń Jalpy debattarynda sóılegen sózinde Memleket basshysy kómirqyshqyl gazdyń óte joǵary deńgeıine, ormandardyń órtke oranýy, sıklondar, sý basý men qurǵaqshylyq adamdarǵa apat alyp keletin qalypty jaǵdaıǵa aınalyp otyrǵanyn atap ótti.
«Teńizge shyǵatyn joly joq iri memleket bolyp sanalatyn Qazaqstannyń klımaty tez ózgerip jatyr, sonysymen halqymyz ben ekonomıkamyzǵa qaýip týdyrýda. Sońǵy 75 jyldyń ishinde jyldyq ortasha temperatýra 2 gradýsqa jylynyp, qazirgi ýaqytta ár bes jyl saıyn qýańshylyq bolyp otyr. Osyǵan baılanysty Qazaqstan 2060 jylǵa qaraı kómirteginen taza el bolýdy kózdeıdi. Kelesi aıdan bastap biz 2008 jylǵy deńgeımen salystyrǵanda ishki jalpy ónimniń energıa shyǵynyn 50 paıyzǵa azaıtýǵa baǵyttalǵan 2050 jylǵa deıin kómirtegi az ulttyq strategıany damytýdy bastaımyz», – dedi Qazaqstan Prezıdenti.