Almaty – Ábý-Dabı baǵyty boıynsha reıster sany aptasyna 5-ten 7 retke deıin artady.
Birikken arab ámirlikteri baǵytyndaǵy áýe reısteriniń sany artyp jatyr, dep habarlaıdy Almaty-akshamy.kz
Azamattyq avıasıa komıtetiniń málimetinshe, bıyl 1 shildeden bastap «Wizz Air Abu Dhabi» áýe kompanıasy Qazaqstan men BAÁ astanalary Astana jáne Ábý-Dabı qalalary arasynda aptasyna 3-ten 5 retke deıin (seısenbi, sársenbi, juma, senbi, jeksenbi) turaqty jolaýshylar reısteriniń sanyn ulǵaıtýdy josparlap otyr.
Sonymen qatar, 4 tamyzdan bastap «Wizz Air Abu Dhabi» áýe kompanıasy Almaty – Ábý-Dabı baǵyty boıynsha turaqty jolaýshylar reısteriniń sanyn aptasyna 5-ten 7 retke deıin (kún saıyn) arttyrýdy josparlap otyr. Reıster Airbus 320 jáne Airbus 321 tıpti áýe kemelerinde oryndalady.
Qazaqstan men BAÁ arasyndaǵy reıster sanynyń ulǵaıýy elder arasyndaǵy týrısik, mádenı, ınvestısıalyq jáne iskerlik yntymaqtastyqty odan ári damytýǵa, sondaı-aq halyqaralyq áýe tasymaldar naryǵyndaǵy básekelestikti arttyrýǵa jáne áýe bıletteri baǵasynyń tómendeýine yqpal etetin bolady.