Tenıs: Qazaqstannyń birinshi raketkasy Elena Rybakına kelesi kezeńge ótti
Elena Rybakına US Open týrnıriniń úshinshi aınalymyna shyqty, dep habarlaıdy Almaty-akshamy.kz Olympic.kz-ke silteme jasap.
Osy «Úlken dýlyǵa» dodasynyń 19-raketkasy bolyp tirkelgen E.Rybakına ekinshi aınalymda dúnıejúzilik reıtıńte 62-orynda turǵan fransıalyq Karolnn Garsıamen kortqa shyqty. Bir saǵattan sál astam ýaqytqa sozylǵan machta qazaqstandyq tenısshi qarsylasyn 6:1, 6:4 esebimen qınalmaı utty. E.Rybakına báseke barysynda 11 eıs jasap, 6 breık-poınttyń teń jartysyn paıdalandy. Breıkke qol jetkizbegen K.Garsıa 1 ǵana eıspen shekteldi. Qazaqstandyq sportshynyń kelesi qarsylasy - 2018 jylǵy Rolan Garros, 2019 jylǵy Ýımbldon týrnırleriniń chempıony, qazirgi kezde reıtıńte 13-orynda turǵan rýmynıalyq Sımona Halep.