Elordada Bıllı Djın Kıng kýbogy aıasynda ótip jatqan Qazaqstan – Germanıa machynda Elena Rybakına esepti 2:0-ge jetkizdi.
Qazaqstannyń birinshi, álemniń 19-raketkasy E.Rybakına dúnıejúzilik reıtıńte 232-orynda turǵan Laýra Zıgemýndpen synǵa tústi, dep habarlaıdy Almaty-akshamy.kz
E.Rybakına 22 jasta bolsa, germanıalyq tenısshi 34-te. Osyǵan deıin qarsylastar úsh márte kezdesip, sonyń ekeýinde qazaqstandyq tenısshi jeńgen edi.
Bul joly E.Rybakına birinshi partıada L.Zıgemýndqa birde-bir geım bermeı, 22 mınýtta 6:0 esebimen tize búktirdi. Ekinshi setti germanıalyq sportshy breıkpen bastaǵanymen, Elena tarazy basyn sol boıda teńestirip qana qoımaı, esepti 5:1-ge jetkizdi. Sosyn machqa dop bergende, qarqynyn báseńdetken joq - 6:1.
Osylaısha, esep – 2:0, Qazaqstannyń paıdasynda. Qazaqstan – Germanıa machy erteń jalǵasady. Qazaqstandyqtarǵa qalǵan kezdesýlerde bir upaı alsa, jetip jatyr. Óz tarıhynda alǵash ret Bıllı Djın Kıng kýbogynyń fınaldyq kezeńine joldama alady.