Indıan-Ýells WTA 1000 dodasy 19 naýryzǵa deıin jalǵasady.
Qazaqstannyń birinshi, álemniń 10-raketkasy Elena Rybakına AQSH-ta ótip jatqan Indıan-Ýells masters týrnıriniń úshinshi aınalymyna shyqty, dep habarlaıdy Almaty-akshamy.kz
Jarysty ekinshi aınalymnan bastaǵan qazaqstandyq tenısshi 2020 jylǵy Aýstralıa ashyq chempıonatynyń jeńimpazy, qazirgi kezde reıtıńte 170-orynda turǵan amerıkalyq Sofá Kenınmen kezdesti.
E.Rybakına tartysty básekede 7:6 (8:6), 7:6 (7:5) esebimen jeńiske jetti.
Eki saǵat 8 mınýtqa sozylǵan machta qazaqstandyq sportshy 6 eıs jasap, 6 breık-poınttyń ekeýin óz esebine jazdy. S.Kenın eıs jasamaǵanymen, 7 breık-poınttyń ekeýin paıdalandy.
E.Rybakına kelesi aınalymda ıspanıalyqtar, álemniń 22-raketkasy Paýla Badosa nemese reıtıńte 88-satydaǵy Nýrıa Parrızas-Dıastyń bireýimen sheberlik baıqasady.
Júlde qory 8,8 mln AQSH dollaryna baǵalanǵan Indıan-Ýells WTA 1000 dodasy 19 naýryzǵa deıin jalǵasady. Onda ótken jyly álemniń 1-raketkasy, Polsha ókili Iga Shventek chempıon atanǵan edi.