Sportshy óz josparyn aıtty.
Ýımbldon – 2022 týrnıriniń jeńimpazy Elena Rybakına jarystan alǵan júlde qorynyń bir bóligin janýarlardy qorǵaýǵa baǵyttaǵysy keledi, dep habarlaıdy Almaty-akshamy.kz QazAqparatqa silteme jasap.
«Aldymen ıýnıorlarǵa qol ushyn sozǵym keledi. Syıaqynyń aýqymdy bóligi solarǵa jumsalady. Taǵy bir bóligi janýarlardy ýaqytsha ustaý ornynda (prıýt) boldym. Maǵan úlken áser qaldyrdy. Osy oraıda syıaqynyń bir bóligin janýarlardy qorǵaýǵa baǵyttaǵym keledi», - dedi Elena Rybakına elordada ótken baspasóz máslıhatynda.
Aıta keteıik, Qazaqstannyń birinshi, álemniń 23-raketkasy Elena Rybakına Ýımbldon týrnıriniń jeńimpazy boldy. Elena Rybakınany tarıhı jeńisimen alǵashqylardyń biri bolyp Memleket basshysy Qasym-Jomart Toqaev quttyqtady.
Keıin tenısshi jeńis úshin bar kúshin salǵanyn aıtyp, maqty mach bolǵanyn málim etti. Sonymen qatar barsha jankúıerlerge alǵysyn bildirdi.
«Osy joly óz ónerime rızamyn, eń bastysy, sapaly oınadym», - dedi ol. Eske salsaq, Ýımbldon chempıony Elena Rybakına týrnırdegi jeńisi úshin beriletin Qazaqstan tenıs federasıasynyń syıaqysyn alýdan bas tartty.
Búgin Memleket basshysynyń Jarlyǵymen sporttaǵy asa úzdik jetistikteri jáne halyqaralyq yntymaqtastyqty damytýǵa qosqan úlesi úshin Elena Rybakına İİ dárejeli «Dostyq» ordenimen marapattaldy.
Keshe elorda jurty Ýımbldon-2022 chempıony Elena Rybakınany áýejaıdan qarsy aldy.