Qazaqstandyq sportshy úsh set-poıntty paıdalana almady.
Qazaqstannyń birinshi, álemniń 21-raketkasy Elena Rybakına Adelaıda (Aýstralıa) WTA 500 týrnıriniń shırek fınalyna shyǵa almady, dep habarlaıdy Almaty-akshamy.kz.
Qazaqstandyq tenısshi ekinshi aınalymda dúnıejúzilik reıtıńte 69-orynda turǵan 20 jastaǵy ýkraınalyq Marta Kostúkpen sheberlik baıqasty.
Qarsylastar osyǵan deıin bir ret kezdesip, 2017 jyly jasóspirimder arasyndaǵy Aýstralıa ashyq chempıonatynda M.Kostúk E.Rybakınany 6:1, 7:5 esebimen jeńgen.
Bul joly birinshi partıada esep 5:4 bolǵan mezette qazaqstandyq sportshy úsh set-poıntty paıdalana almady. Degenmen taı-breıkte óz múmkindigin múlt jibergen joq - 7:6 (7:5).
Ekinshi sette esesine M.Kostúk breıkpen alǵa ketti – 2:0. Ol bul partıany taǵy bir breıkpen támamdady – 6:2.
Úshinshi, sheshýshi partıany E.Rybakına breıkpen bastaǵanymen, budan keıin ýkraınalyq sportshy kúsh alyp ketti – 4:1. Aqyry machty jeńispen aıaqtaı bildi – 6:3.
Eki saǵat 21 mınýtqa sozylǵan tartysty báseke barysynda E.Rybakına 7 eıs jasap, 10 breık-poınttyń bireýin ǵana paıdalandy. Qarsylasy 5 eıs, 4 breıkpen (9 breık-poınt) kózge tústi.
M.Kostúk jartylaı fınalǵa shyǵý úshin álemniń ekinshi, jarystyń 1-raketkasy, týnıstik Ons Jaber nemese reıtıńte 45-satydaǵy rýmynıalyq Sorana Kyrstányń bireýimen talasady.
Ótken jyly E.Rybakına osy dodanyń fınalyna deıin jetken edi.