Qazaqstandyqtar sıfrlyq jeke kýálikti endi avtokólikpen tasymaldaý salasynda qaǵaz túrindegi jeke kýálikpen teń paıdalana alady.
Bul týraly habarlaǵan QR Indýstrıa jáne ınfraqurylymdyq damý mınıstrliginiń málimetinshe, jolaýshylar aýdanaralyq, qalaaralyq, oblysishilik baǵyttarda avtobýstarǵa otyrǵyzý kezinde jeke kýáligin óz qalaýy boıynsha - túpnusqada nemese elektrondyq qujat túrinde (uıaly telefon arqyly) usyna alady, dep habarlaıdy Almaty-akshamy.kz
Sondaı-aq, avtovokzaldarda, avtostansıalarda, jolaýshylarǵa qyzmet kórsetý tirekterinde sıfrlyq jeke kýálikpen bıletter satyp alýǵa bolady. Budan bólek, halyqaralyq, qalaaralyq, oblysaralyq, aýdanaralyq (oblysishilik, qalaaralyq) baǵyttarda jol júrý kezinde júk alý múmkindigi kózdelgen.
«Sonymen qatar taksı júrgizýshileri reıs aldyndaǵy jáne reısten keıingi medısınalyq kýálandyrýdan ótý kezinde jeke kýálikti qaǵaz tasyǵyshta da, elektrondyq nysanda da paıdalana alady. Joǵaryda atalǵan normalar QR Indýstrıa jáne ınfraqurylymdyq damý mınıstriniń buıryǵymen (2021 jylǵy 4 qazandaǵy№ 524) QR Úkimetiniń tapsyrmasy boıynsha sıfrlyq tehnologıalardy damytý jáne azamattardyń jeke kýálikteriniń túpnusqalaryn ózimen birge alyp júrý qajettiliginsiz óz quqyqtaryn iske asyrý múmkindigin keńeıtý úshin qabyldandy», - delingen mınıstrliktiń málimetinde.