Jármeńkege qatysýǵa ártúrli salalardan 25-ten astam jumys berýshi ótinim bergen.
2023 jylǵy 20 maýsymda Elektrondyq eńbek bırjasy bazasynda Tanda.enbek.kz bóliminde «Eńbek resýrstaryn damytý ortalyǵy» AQ qoldaýymen Astana qalasynyń halyqty jumyspen qamtý ortalyǵy uıymdastyrǵan jastarǵa arnalǵan bos jumys oryndarynyń onlaın-jármeńkesi ótedi, dep habarlaıdy Almaty-akshamy.kz
Jármeńkege qatysýǵa ártúrli salalardan 25-ten astam jumys berýshi ótinim bergen. Olardyń arasynda «Qazposhta» AQ, «Astana-Energıa» AQ, «Center Beton Company» JSHS, «Lokomotıv qurastyrý zaýyty» AQ, «Ulttyq aqparattyq tehnologıalar» AQ, «First Heartland Jusan Bank» AQ, Astana qalasynyń polısıa departamenti jáne taǵy basqalar bar.
Tanda.enbek.kz-te jumys berýshiler óz kásiporyndary týraly qysqasha aqparatty, sondaı-aq bos oryndar týraly málimetti ornalastyrady.
20 maýsymda, ıaǵnı onlaın-jármeńke ótetin kúni jumys izdeýshiler qoljetimdi bos jumys oryndaryn kóretin bolady, túıindemelerin áleýetti jumys berýshilerge jiberip, kompanıalardyń HR-menedjerlerimen sóılese alady, sondaı-aq olarǵa ózderin qyzyqtyrǵan suraqtaryn qoıýmen qatar áńgimelesýge shaqyrlady.
Jumys berýshiler óz kezeginde talabyna saı keletin kandıdattardyń jeke bazasyn qalyptastyrady.
«Onlaın-jármeńkege qatysý úshin úmitkerler jármeńke ótetin www.tanda.enbek.kz saıtyna kirip, tirkeýden ótýi jáne jeke kabınette ózekti túıindemesin daıyndaýy kerek. Aldaǵy ýaqytta Tanda.enbek.kz-te elimizdiń barlyq óńirlerinde turaqty negizde onlaın bos oryndar jármeńkesi ótedi. Jármeńkege tirkelý jumys izdeýshiler men jumys berýshiler úshin ashyq. Barlyq nıet bildirýshilerdi bos jumys oryndarynyń onlaın-jármeńkesine belsendi qatysýǵa shaqyramyz!» delingen mınıstrlik taratqan aqparatta.