Bul týraly QR Energetıka vıse-mınıstri Jandos Nurmaǵanbetov málimdedi.
Elektr energıasyna arnalǵan tarıfter «Elektr energetıkasy týraly» QR Zańyna sáıkes 7 jylǵa belgilenedi, dep habarlaıdy Almaty-akshamy.kz
Bul rette energıa óndirýshi uıymdardyń elektr energıasyn óndirýge jumsaǵan shyǵyndary is júzinde ulǵaıǵan jaǵdaıda, energıa óndirýshi uıymdar shekti tarıfterdi túzetýge ýákiletti organǵa ótinim berýge quqyly. Onyń aıtýynsha, 2022 jyl ishinde energıa óndirýshi uıymdarǵa táýelsiz shyǵyndardyń ulǵaıýy boljanyp otyr.
«Bogatyr-Kómir razrezinen kómir qunynyń ósýi boljanýda: 2022 jylǵy 1 tamyzdan bastap 7%-ǵa; 1 qyrkúıekten bastap 5%-ǵa; 1 jeltoqsannan bastap 5%-ǵa. Jalpy, 2022 jyl ishinde kómirdiń quny 30%-ǵa artady. Temirjoldar boıynsha kómirdi jetkizý baǵasy 2022 jyldyń basynan Qazaqstan boıynsha ortasha eseppen 5%-ǵa ósti. Budan basqa, 2022 jylǵy 1 shildeden bastap Qazaqstan boıynsha taýar gazynyń quny energıa óndirýshi uıymdar úshin orta eseppen 15%-ǵa ósti», - dedi spıker.
Shekti tarıf jobasynda sondaı-aq Memleket basshysynyń tapsyrmasyn oryndaý sheńberinde stansıa personalynyń jalaqysyn kóterý máselesi qarastyrylǵan. Osyǵan baılanysty toptar boıynsha shekti tarıfterdi túzetý júzege asyryldy. Energıa óndirýshi 47 uıymnyń 26-synan ótinim berildi. Olardy qaraý kezinde árbir jaǵdaı boıynsha jeke tásil qoldandy. Ýaqytyly sheshimdi talap etetin ótinimder nazarǵa alyndy.