Energetıka mınıstrligi elektr energıasyna shekti tarıfterdi bekitýge nıetti.
Bıyl 1 aqpannan bastap Qazaqstanda elektr energıasy qymbattaýy múmkin, dep habarlaıdy aqshamnews.kz
Biryńǵaı satyp alýshy úshin elektr energıasynyń quny kVt/saǵatyna shamamen 2 teńgege (3 sent) ósýi múmkin. Vedomstvo buıryqty "Ashyq NQA" portalyna ornalastyrdy. Sondaı-aq mınıstrlik energıa óndirýshi 36 uıym 1 aqpannan bastap elektr energıasynyń shekti tarıfin túzetýge ótinim bergenin habarlady.
Elektr baǵasyn kóterýdegi negizgi maqsat - óndiristik mamandardyń jalaqysyn arttyrý. Byltyr ortasha jalaqy 18%-ke artyp, 425 myń teńge boldy. Al bıyl 15-20%-ke ulǵaıtý josparlanýda, bul oraıda jalaqy ortasha eseppen 490 myń teńgege kóteriledi.
"Energetıka sektorynda bilikti maman tapshy. Energetıka kásiporyndarynda 4,5 myń maman jetispeıdi. 2024 jylǵy 1 qańtardaǵy jaǵdaı boıynsha qyzmetkerlerdiń naqty sany 52,5 myń adam boldy. Jalaqyny ulǵaıtý saladaǵy mamandardy tartýǵa jáne ustap qalýǵa baǵyttalǵan", - dep habarlady energetıka mınıstrligi.
Sonymen qatar otyn satyp alý jáne kómir men gazdy tasymaldaý shyǵyndary artty. Tarıfti túzetýge áser etetin faktorlar: jóndeý naýqany, energıa óndirýshi obektilerdiń, onyń ishinde metaldyń qymbattaýy. Obektilerdiń turaqty jumys isteýine qajetti materıaldar men jabdyqtar jáne tasymaldaý quny ósken.
"Qazirgi ýaqytta energıa óndirýshi uıymdardyń ótinimderi qaraý satysynda tur. Barlyq usynys tutynýshylardyń múddeleri men salanyń turaqty damýy arasyndaǵy tepe-teńdikti saqtaý úshin muqıat taldanady", - dep atap ótti energetıka mınıstrligi.