«Qazgıdromet» mamyrda qurǵaqshylyq bolýy múmkin óńirlerdi atady.
Sınoptıkter mamyrda astyq egiletin óńirlerde ylǵaldaný jaǵdaıy normaǵa jaqyn bolady dep boljap otyr, dep habarlaıdy Almaty-akshamy.kz.
«Qostanaı oblysynyń Qarasý aýdanynda, Aqmola oblysynyń Aqkól, Atbasar jáne Astrahan aýdandarynda, Shyǵys Qazaqstan oblysynyń Kúrshim, Glýbokoe, Zyrán, Ulan, Katonqaraǵaı aýdandarynda jáne Óskemen qalasynda, sondaı-aq Almaty oblysynyń Talǵar aýdanynda ońtaıly ylǵaldaný jaǵdaıy boljanady», - delingen habarlamada.
Bul rette Qyzylorda oblysynyń Aral jáne Qazaly aýdandarynda qurǵaqshylyq kútiledi. Munda mamyrda aýa temperatýrasy joǵarylap, jaýyn-shashyn jaýmaýy múmkin.