Bir aı ishinde Astana men Shymkentte azyq-túlik baǵasy 2,2 paıyzǵa kóterilgen.
Ulttyq statısıka búrosy qańtar aıynda baǵanyń aıtarlyqtaı ósýi Qyzylorda, Soltústik Qazaqstan jáne Aqtóbe oblystarynda da tirkeldi degen málimet keltirdi, dep habarlaıdy Almaty-akshamy.kz.
Jyldyq kórsetkish boıynsha eń joǵary ósim Mańǵystaý oblysynda boldy, ıaǵnı azyq-túlik taýarlary 31,5 paıyzǵa qymbattady. Sondaı-aq, Túrkistan oblysy (+27,4%) men Shymkent qalasynda (+27,2%) qymbatshylyq kórsetkishi joǵary boldy.
Jemister men kókónis jyldyq dınamıkada 21,2%-ǵa qymbattady. Sút ónimderiniń baǵasy bir aıda 1,2 paıyzǵa, al bir jylda 32,4 paıyzǵa kóterildi.
Et jáne et ónimderi bir aıda 0,5 paıyzǵa, jyl ishinde 16,9 paıyzǵa qymbattady. Atap aıtqanda, un baǵasy bir jylda 42,8 paıyzǵa, nan – 19,2 paıyzǵa, makaron ónimderi – 42,3 paıyzǵa, jarma 35,1 paıyzǵa ósti.
Aıta keteıik, ótken jyly qazaqstandyqtardyń naqty aqshalaı tabysy 13%-ǵa azaıǵan.