«Qazgıdromet» RK-sy naýryzdyń 29-y kúngi kún raıy boljamyn jarıalady.
Kásiporyn taratqan derekterge qaraǵanda, Qazaqstannyń basym bóliginiń kún raıyn ortalyǵy Aqtóbede ornalasqan keń alqapty sıklon jáne onymen baılanysty atmosferalyq frontaldy bólikter aıqyndaıtyn bolady, dep habarlaıdy Almaty-akshamy.kz.
Osyǵan baılanysty Qazaqstan boıynsha kún qubylmaly bolady. Respýblıkanyń basym bóliginde jaýyn jaýyp, soltústik oblystarda qatty nóserletedi, eldiń ońtústik-shyǵysynda da jańbyr boljanady.
Qazaqstan boıynsha tuman túsip, ońtústikte, ońtústik-shyǵysta naızaǵaı oınaıdy, ońtústikte burshaq jaýyp, soltústik batysta jaıaý burqasyn soǵady. Batysta, soltústik batysta, soltústikte kóktaıǵaq bolýy yqtımal.