Premer-mınıstr Oljas Bektenovtiń qazaqstandyqtardy Respýblıka kúnimen quttyqtady, dep habarlaıdy aqshamnews.kz
Qurmetti otandastar! Barshańyzdy ulttyq merekemiz – Respýblıka kúnimen shyn júrekten quttyqtaımyn!
Memleket basshysy aıtýly kúnniń tarıhı taǵylymyn el jadynda qaıta jańǵyrtyp, myzǵymas birliktiń, beıbitshilik pen kelisimniń berik tuǵyryna aınaldyrdy.
Azattyqtyń alǵysharty derbestik deklarasıasy – halqymyzdyń san ǵasyrlyq arman-muraty men qajyrly kúresiniń jemisi. Eldigimizdi nyǵaıtyp, yntymaǵymyzdy bekemdeı túser mereıli mereke ultymyzdyń qıly taǵdyrymen birge máńgi jasaı bermek.
Bizdiń baǵytymyz – aıqyn. Aldymyzda Ádiletti Qazaqstannyń qundylyqtaryn baıandy etýge barymyzdy salatyn dańǵyl jol tur.
Osynaý uly maqsatqa jetýde halqymyz aýyzbirshilik pen eńbekqorlyqtyń ozyq úlgisin kórsetedi dep senemin.
Búkil qazaqstandyqtardy aıshyqty merekemen quttyqtaımyn. Elimizge tynyshtyq, ár shańyraqqa baqyt, eńbekterińizge tolaıym tabys tileımin!