Bul - Blogarıadaǵy jaǵdaı.
Álemde sý tapshylyǵy máselesiniń ózektiligi jyl ótken saıyn artyp barady. Oǵan klımattyń ózgerýi sebep. Ózender tartylyp, eldi mekenderdi qurǵaqshylyq jaılaǵan, dep habarlaıdy Almaty-akshamy.kz.
24.kz málimetinshe, Fransıanyń eń kedeı aımaqtarynyń biri Maıotta jurty sý tapshylyǵynan qatty zardap shegip otyr. Turǵyndar aýyz sýǵa jarymaı otyr. Elde tyrysqaq, ishek aýrýlary endep barady. Ábden ábigerge túsken halyq narazylyq bildirip sherýge shyqty. Olar sý basqaratyn kompanıalardan aımaqty sý resýrstaryn jóndep jolǵa qoıýdy talap etti. Meteorologtardyń málimeti boıynsha, Maıotta jalpy qurǵaqshylyqtyń altynshy jylyn bastan ótkerýde. 1997 jyldan bergi eń qurǵaq jyl boldy.
Bolgarıa Eýropada sý tapshylyǵy boıynsha ekinshi orynda tur. Eldegi sý daǵdarysy sýdy óndiristik qajettilikter úshin kóp mólsherde paıdalanýdan týyndap otyr. Osyǵan oraı Bolgarıa úkimeti elde sýdy paıdalanýǵa shekteýler engizdi. Tabıǵı sý qoımalary men jasandy sý qoımalarynyń buzylýyna oraı, sýdy únemdeýge qatysty shuǵyl sharalardy qolǵa alýda. Keıbir aımaqtarda baý-baqshalar men gúlzarlardy sýarýǵa, baseınderdi toltyrýǵa tyıym salynǵan.
Brazılıa Brazılıadaǵy áıgili Amazon ózenine quıatyn Pýrakekvara ózeni jyl ótken saıyn tartylyp barady. Ózen sýymen kúneltip otyrǵan aýyl turǵyndary endi ne isterin bilmeı dal. Aımaqta sý joq. Eldi qýańshylyq jaılaǵan. Resmı málimetke sáıkes, qazir bul aımaqta sý tapshylyǵynyń zardabyn 100 myńnan astam adam tartyp otyr. Amazondaǵy qurǵaqshylyq, Brazılıanyń ońtústigindegi sý tasqyny sıaqty, Tynyq muhıtynyń jerústi sýlaryn qyzdyratyn El-Nıno qubylysynyń nátıjesi, deıdi sarapshylar.