Bul - azyq-túlik qaýipsizdiginiń tómendeýine ákelip soqtyratyn faktor.
Sol sebepti qazaqstandyq fermerler Memleket basshysyna ashyq hat joldady, dep habarlaıdy Almaty-akshamy.kz
Qazaqstan fermerleri qaýymdastyǵy Prezıdent pen Premer-Mınıstrdiń atyna hat joldap, aýyl sharýashylyǵy tehnıkasyn jeńildikpen lızıńke berý tetigin engizýdi surady.
Fermerler aldymen egin jınaý naýqanynyń tamyz aıynyń birinshi jartysynda bastalatynyn eske saldy. Al aýyl sharýashylyǵy tehnıkasyn jappaı jańartý múmkin bolmaı otyr.
Sebebi qoldanystaǵy lızıń baǵdarlamalarynyń qarajaty taýsylyp qalǵan. Búginde tehnıkanyń tozý deńgeıi 80 paıyzǵa jetken.
«Máseleniń mańyzdylyǵyn jáne egin jınaý kezeńiniń jaqyndap kele jatqandyǵyna baılanysty qysyltaıań merzimderdi eskere otyryp, Sizdiń járdemińizdi, atap aıtqanda, Indýstrıa jáne ınfraqurylymdyq damý mınıstrligine, Ekologıa, geologıa jáne tabıǵı resýrstar mınıstrligine, Aýyl sharýashylyǵy mınıstrligine jáne «Báıterek» UBH» AQ-na bastapqy jarnasyz, syıaqy mólsherlemesi 3%-ǵa deıin, «Jasyl Damý» AQ qarajaty esebinen qarjylandyrý kólemi 50 mıllıard teńge bolatyn aýyl sharýashylyǵy tehnıkasyn jeńildikpen lızıńteý baǵdarlamasyn iske qosý týraly tıisti tapsyrmalar berýdi suraımyz», - deıdi fermerler.
Olardyń aıtýynsha, otandyq aýyl sharýashylyǵy tehnıkasyn jeńildikpen lızıńteý tetigin jedel iske qosýdyń nátıjesinde egin jınaý naýqanyna qysqa merzimde 1000 birlikten astam traktor men kombaın parkin jańartýǵa múmkindik bolady.
«Aǵymdaǵy jylǵy kúzge deıin jumys isteıtin baǵdarlamanyń bolmaýy sapaly ónimniń joǵalýy qaýpine jáne elimizdiń azyq-túlik qaýipsizdiginiń jalpy deńgeıiniń tómendeýine ákelip soqtyrady», - dep atap kórsetti mamandar.