Ónerkásip jáne qurylys mınıstrligi elimizde altyn men kúmistiń qoryna qatysty málimetpen bólisti, dep habarlaıdy Almaty-akshamy.kz.
«Paıdaly qazbalardyń memlekettik esebiniń 2023 jyldyń 1 qańtaryndaǵy málimetine sáıkes altyn qory — 1,4 myń tonna, kúmis qory — 29,1 myń tonna», dep jaýap berdi mınıstrlik.
Vedomstvo málimetinshe, ótken jyldyń 9 aıynda ýákiletti uıym baǵaly metaldar men asyl tastan jasalǵan zergerlik buıymdardy óndiretin 199 zańdy jáne jeke tulǵany tirkegen.
«Onyń ishinde elimizde óndirilgen altyn men kúmisten zergerlik buıym jasaıtyn negizgi kásiporyndar mynalar: «Qazaqúvelır» AQ, «IýP Jemchýjına» JSHS, «Almatınskıı ıývelırnyı zavod» AQ, «Aisafi» AQ, «Diamond Exclusive» AQ, «Adamant Servıs» AQ, «Zerger Plús»JSHS, «Kazyna Gold Jewelry» JSHS, «KY Factory» JSHS, «Senat Gold» JSHS, «SILVER PRICE» JSSH, «IýF Tengrı Gold» JSHS, «ADAMI» JK, «T.R.Z.K.» JK jáne «Krıstal-L» JK», dep atap ótti mınıstrlikten.