Senat depýtattary veterınarıa salasyndaǵy máselelerdi kóterdi.
«Elimizde jylyna 1200-den astam veterınar daıarlanady. Biraq olardyń teń jartysy óz mamandyqtary boıynsha jumys istemeıdi. Oǵan jalaqynyń tómendigi sebep bolyp otyr», - deıdi Cenat depýtattary.
Jalpy bul salada sońǵy jyldary qordalanǵan másele kóp. Atap aıtsaq, aýyldyq jerlerde veterınarlyq pýnktter joq, bolǵan kúnniń ózinde materıaldyq bazalary ábden tozǵan, dep habarlaıdy Almaty-akshamy.kz.
Almatyda ótken kóshpeli otyrysta Aýyl sharýashylyǵy mınıstrligi ókilderi, depýtattar, veterınarıa mamandary men ǵalymdar saladaǵy máselelerdi sheshý joldaryn talqylady. Jıynda jyldan-jylǵa beleń alyp kele jatqan mal, qus aýrýlarynyń aldyn alýǵa arnalǵan sharalardy kúsheıtý, shetelden ákelinetin qajetti preparattardy ózimizde óndirý jaıy sóz boldy.
«Qalaı bolǵanda da biz aýyldy jandandyrýymyz kerek. Veterınarıa qaýipsizdigi ol - eldiń qaýipsizdigi. Eldiń qaýipsizdigi ol - azyq-túlik qaýipsizdigi. Ár oblys, ár qaısysy ózderi áli kelgenshe jasap jatyr. Buny ortalyqtandyryp sheshý kerek. Mınıstrlik arqyly. Qarajat bólinýi kerek. Bári qarajatqa baılanysty. Bul kezek kúttirtpeıtin másele. Biz veterınarıalyq qaýipsizdikke úlken kóńil aýdarýymyz kerek», -deıdi QR Parlamenti Senatynyń depýtaty Muhtar Jumaǵazıev.