2022 jyly eldegi dúkenderde 139,9 mln lıtrden astam araq, konák jáne spırt satylǵan.
Energyprom.kz resýrsynyń saraptamasynda osyndaı málimet berilgen, dep habarlaıdy Almaty-akshamy.kz QazAqparatqa silteme jasap.
«Bul – eldegi spırttik ishimdikter naryǵynyń statısıkasyndaǵy absolútti rekord. 2021 jylmen salystyrǵanda ishki naryqta spırttik ishimdik satý kólemi 90,4% ósti. Ósim negizinen araq pen lıker-sharap ónimderiniń saýdasy esebinen paıda bolǵan – 44,2 mıllıon lıtrden 90,1 mıllıon lıtrge deıin artqan. Spırt saýdasy da qyzyp, 29,3 mıllıon lıtrge jetti (plús 68,1%). Al konák naryǵynda 20,5 mıllıon lıtr ónim satylǵan (73,5% ósim). Qyzýy joǵary spırtten basqa ishimdik túrlerine degen suranys munshalyqty joǵary bolǵan joq. Sharap satý kólemi 26,9%-ǵa, shampan satý 28%-ǵa, syra satý 1,9%-ǵa azaıǵan», - dep jazylǵan saraptamada.
Maqalada mundaı ósimniń sebebi de aıtylǵan.
«Qazaqstanda alkogólge degen suranystyń osynshalyq artýyn jalǵyz jaıtpen baılanystyrýǵa bolady. Elde, ásirese, araq pen konákty aıryqsha kóp kólemde tutynatyndardyń sany kúrt ósken. Dúnıejúzilik densaýlyq saqtaý uıymynyń dereginshe , reseılikter qazaqstandyqtarǵa qaraǵanda eki ese kóp ishimdik ishedi (jan basyna shaqqandaǵy kórsetkish)», - dep jazady Energyprom.kz.