Búginde 65 jastan asqan 80 myńǵa jýyq eńbek ardageri áli jumys istep júr.
Bul derekti Statısıka komıteti keltirip otyr, dep habarlaıdy Almaty-akshamy.kz.
Másele zeınetkerlerdiń eńbek qabilettiliginde emes, olardyń izin basatyn jas mamandardyń tapshylyǵynda bolyp otyr.
Qostanaı oblysynda 457 myń gektar jer orman sharýashylyǵynyń tikeleı baqylaýynda. Mundaǵy mamandardyń deni - zeınet jasyndaǵylar. Óıtkeni ormanshylar tapshy. Qazirdiń ózinde alyp aýmaqty qamtýǵa 300-ge jýyq maman qajet.
«Kadrlar ketip jatyr. Jastar kóbisi jumys istemeıdi. Ásirese, bizdiń patrıottar deımiz ǵoı aqsaqaldar, shaldardy, jumys istep júrgen solar», - deıdi Orman sharýashylyǵyn qorǵaý ınspeksıasynyń bas ınjeneri Bolatbek Tabyldın.
Kókshedegi sút óńdeıtin kásiporynnyń ınjeneri Serik Sámenovtiń zeınetke shyqqanyna birneshe jyl bolǵan. Biraq, ardager maman áli kúnge deıin sehtaǵy qondyrǵylardy tekserip júr. Eńbek ótili 40 jyldan asqan 66 jastaǵy ınjener jastar kelse, bilgen-túıgenin úıretip, endigi jerde beınettiń zeınetin kórsem deıdi.
«Bizdiń mamandyqqa qazir jastar tapshy. Eńbek etýge kelgender kóp jumys istemeıdi. Bir-eki aıdyń ishinde qaıtadan ketip qalady. Men suranys boıynsha áli de eńbek etip jatyrmyn. Ornyma qaldyratyn jastar tabylmaı otyr», - deıdi ınjener Serik Sámenov.
Jalpy, statısıka komıtetiniń málimetinshe, elimizdegi zeınet jasyndaǵy eńbekkerlerdiń basym bóligi soltústik aımaqtarǵa tıesili eken. Máselen:
Qostanaı oblysynda 20,9 myń adam, Aqmola oblysynda 20 myń, Soltústik Qazaqstanda 10,8 myń, Pavlodar oblysynda 10,4 myń zeınetker eńbek etip keledi.
Jalaqy mardymsyz bolǵandyqtan, jastar aýyldan qalaǵa aǵylady. Biraq qalada da olarǵa jaıly jumys buıyra bermeıdi. Óıtkeni tájirbıesi az mamandardy jumysqa qabyldaýy ekitalaı.
«Qazaqtyń altyn besigi - aýyl. Biz sondyqtan aýyldy oılap, sol aýyldyń jer máselesinde, baǵa máselesinde, sýbsıdıa máselesinde aýylǵa járdem bermesek, "dıplommen - aýylǵa" dep úgittegennen eshteńe bolmaıdy. Olardy materıaldyq turǵyda, ıaǵnı aqshamen, "aýylda jumys isteseń, baı bolasyń" dep qana yntalandyrsaq bolady», - deıdi ekonomıs Saparbaı Jubaev.
Al Eńbek jáne halyqty áleýmettik qorǵaý mınıstrligi elimizde 23 pen 35 jas aralyǵyndaǵy 12 myń azamat resmı jumyssyz retinde tirkelgenin aıtady. Biraq, eki qolǵa bir kúrek taba almaı júrgen jastardyń aýylǵa barǵysy joq.