Onyń 11 myńy - balalar.
Qazaqstanda qyzylsha juqtyrǵandardyń apta saıynǵy ósimi 1300 adamnan asty. Kóbinese bul qaýipti dertke jas balalar shaldyǵady. Bul týraly Qoǵamdyq densaýlyq saqtaý ulttyq ortalyǵynyń basqarma tóraǵasy Manar Smaǵul aıtty, dep habarlaıdy Almaty-akshamy.kz.
Qaýipti derttiń naqty emi joq, biraq onyń aldyn alýdyń joly bar, ol - ekpe. Qazirgi tańda segiz myń balaǵa ekpe salyndy.
«Áserin sál keıinirek kóremiz. Imýnıtettiń qalyptasýy úshin ýaqyt kerek, vaksınany alǵannan keıin adam kóp jınalatyn jerlerden bas tartý kerek, óıtkeni ımýnıtettiń qalyptasýy úshin 2 apta qajet. Qyzylshanyń asqynýy óte qaýipti. Statısıka boıynsha 1000 jaǵdaıdan bir bala qyzylsha ensefalıtimen aýyrýy múmkin», dedi Manar Smaǵul.
Kúni keshe Densaýlyq saqtaý mınıstri Ajar Ǵınıat Qazaqstanda belsendi túrde taralyp jatqan qaýipti aýrýdyń aldyn alý úshin ata-analardy balalaryna ekpe aldyrýǵa shaqyrdy.
Qyzylshadan qorǵaıtyn birden- bir ádis - vaksına ekenin buǵan deıin de habarlaǵan bolatynbyz.