"Astana-gastro 2022" forýmy ótti
Elimizde asqazan aýrýyna shaldyqqandar sany azaımaı tur, dep habarlaıdy Almaty-akshamy.kz «Habar 24» telearansyna silteme jasap.
Olardy der kezinde emdep-jazý da úlken máselege aınalyp barady. Sebebi dertke shıpa tabý qıyndaǵan. Al álemdik medısına qazir keı asqazan aýrýlaryn jańa tásilmen emdeýdi bastady. Bul týraly "Astana-gastro 2022" forýmyna qatysqan ǵalymdar málimdep otyr. Jyl saıyn ótetin sharaǵa bıyl bilikti mamandar jınalyp, stýdentter men dárigerlerge leksıa oqýda. Sondaı-aq, shara kezinde gastro-en-tologıa salasyndaǵy tyń jańalyqtar aıtylyp, dárigerler men ǵalymdar tájirıbe almasyp jatyr.
«Ǵylym alǵa jyljyp barady. Emdeý tásilderi aıtarlyqtaı ózgeriske ushyrady. Bul týraly bizdiń mamandar bilýi kerek. Bul forýmda gastroentologıa ǵylymyna qatysty barlyq jańalyqty aıtyp, talqylaıtyn bolamyz. Basty maqsat - densaýlyq salasyna serpilis berý»,-deıdi medısına ǵylymdarynyń doktory Roza Bektaeva.