Mundaı joba qoǵam talqylaýyna jarıalandy.
«Tuńǵysh Prezıdent - Elbasynyń memlekettik stıpendıasy» endi basqasha atalatyn bolady. Ataýyn ózgertý týraly joba «Ashyq NQA» saıtynda qoǵam talqylaýyna jarıalandy, dep habarlaıdy Almaty-akshamy.kz.
Qujat jobasyn ázirlegen organ – QR Mádenıet jáne sport mınıstrligi.
«Qazaqstan Respýblıkasy Prezıdentiniń 2000 jylǵy 3 sáýirdegi №369 Jarlyǵyna mynadaı ózgerister engizilsin: taqyryby «Mádenıet salasyndaǵy memlekettik stıpendıany taǵaıyndaý týraly» degen redaksıada jazylsyn»,- delingen Jarlyq jobasynda.
Iaǵnı, «QR Tuńǵysh Prezıdenti – Elbasynyń mádenıet salasyndaǵy memlekettik stıpendıasy» degen ataý «Mádenıet salasyndaǵy memlekettik stıpendıa» dep ózgertilip otyr.
Al stıpendıanyń mólsheri burynǵydaı 55 aılyq eseptik kórsetkish (174 900 teńge – red) kóleminde qalady.