Erekshe kórme
Qazaqstan Respýblıkasynyń Tuńǵysh Prezıdenti - Elbasy kitaphanasynda «Umaı besik jyry» kórmesi ashyldy, dep habarlaıdy Almaty-akshamy.kz.
Bir qolymen besikti, bir qolymen álemdi terbetken ana. Ananyń qýanyshy - bala baqyty. Munyń bári qazaqstandyq qylqalam sheberiniń týyndylarynda kórinis tapqan.
Ana taqyryby shabytynyń qaınar kózine aınalǵan sýretshi Dınara Qadyrovanyń jeke kórmesi Elbasy kitaphanasynda qanat jaıdy.
Ol áıel men bala qorǵany Umaı anaǵa arnalǵan. Kórme «Umaı besik jyry» dep atalady. Bul eńbekter qazaq halqynyń dástúrli mádenıetinen syr shertedi.
Sondaı-aq, bul jas beıneleý óneri sheberiniń alǵashqy jeke kórmesi.
«Men ana bolǵan sátten avtorlyq týyndylarymdy jasaı bastadym. Buǵan deıin arnaıy bilim alyp, keıin dızaın salasynda jumys istedim. Biraq meni birinshi kezekte keskindememen áýestenýge shabyttandyrǵan analyq sezim boldy. Sebebi men qýattandym, ómirim mahabbatqa toldy, rızashylyq paıda boldy, ómirge basqa kózben qaraı bastadym», - dedi sýretshi Dınara Qadyrova.
QR Tuńǵysh Prezıdenti – Elbasy kitaphanasy dırektorynyń orynbasary Kúlásh Aqtaeva kórmege qatysty pikir bildirdi.
«Búgingi «Umaı besik jyry» atty kórme - jas bolǵanymen, óte daryndy sýretshi Dınara Qadyrovanyń kóp jylǵy izdenisiniń nátıjesi. Dınara Qadyrova elimizdiń daryndy balalarynyń qatarynda Tuńǵysh Predıdent – Elbasy Nursultan Nazarbaevpen kezdesken. Osy ýaqytqa deıin kóptegen baıqaýlardyń laýreaty atanyp, birqatar syılyqtardy ıelenip úlgerdi. Degenmen ómirin bala tárbıesine arnap ana bolýdy maqsat tutty. Mine, búgin úsh balanyń anasy alǵashqy kórmesin ashty», - dedi ol.