Atalǵan jıyn Qazaqstannyń Tuńǵysh Prezıdentiniń beıneúndeýimen ashyldy
Nú-Iork qalasynda Birikken Ulttar Uıymy Bas Assambleıasynyń Halyqaralyq ıadrolyq synaqtarǵa qarsy is-qımyl kúnine arnalǵan joǵary deńgeıdegi plenarlyq otyrysy ótip jatyr, dep habarlaıdy Almaty-akshamy.kz. Elbasy.kz saıtyna silteme jasap.
Jıyn Qazaqstannyń Tuńǵysh Prezıdentiniń beıneúndeýimen ashyldy. Nursultan Nazarbaev jahandyq qaýipsizdikti qamtamasyz etýge baǵyttalǵan qyzmettiń mańyzdylyǵyna toqtalyp, halyqaralyq arenada antıadrolyq qozǵalysty ilgeriletý jolyndaǵy qazaqstandyq dıplomatıanyń erekshe kúsh-jigerin atap ótti.
«Osydan otyz jyl buryn men álemdegi eń iri ıadrolyq polıgonnyń biri – Semeı ıadrolyq polıgonyn jabý týraly Jarlyqqa qol qoıdym. Bul adamzat tarıhynda ıadrolyq synaqtar ótkizýge zańdyq turǵyda tyıym salǵan alǵashqy sheshim edi. Semeı polıgonynan keıin dúnıe júzi boıynsha basqa da polıgondar jabyldy nemese toqtatyldy. Iadrolyq synaqtarǵa tyıym salý jahandyq sıpatqa ıe boldy», - dedi Elbasy.
Beıneúndeýdiń tolyq nusqasyn myna jerden kórýge bolady.