Bıyl maýsym aıynyń sońyna qaraı qaryzdar portfeli 20,1 trln teńgege jetti. Bul ótken jyldyń uqsas kezeńimen salystyrǵanda 27,5%-ǵa artyq.
Energyprom.kz sarapshylarynyń málimetinshe, ekonomıkaǵa qaryzdar portfelindegi merzimin ótkizip alý úlesi aǵymdaǵy jyly shamamen 3%-dy qurady, al bir jyl buryn ol 6%-dan asty, dep habarlaıdy Almaty-akshamy.kz Eloda.info saıtyna silteme jasap.
QR EDB arasyndaǵy elimizdiń eń iri kredıtory Halyk Bank bolyp tabylady. Shoǵyrlandyrylǵan aýdıtorlyq qarjylyq eseptiliktiń derekteri boıynsha 2021 jyldyń sońyna qaraı bank bergen qaryzdar 6,3 trln teńgege jetti. Bul ótken jylǵa qaraǵanda 29,6%-ǵa artyq. Sonymen qatar Reseıdiń enshiles Sberbanki bergen qaryzdar 2021 jyldyń sońyna qaraı 2,3 trln teńgeni qurady.
SentrKredıt Bankiniń kredıttik qorjynynyń qurylymy mynadaı: 55,6% - jeke tulǵalarǵa, 6,6% – saýda sektoryna, 5,7% – jyljymaıtyn múlikti jalǵa berý sektoryna, 5% - energetıkaǵa, 4,7%- munaı-gaz salasyna berilgen nesıeler.