Murajaılarda barlyǵy 2,6 mıllıon eksponat saqtaýly
Byltyr Qazaqstannyń murajaılaryna kórermen 6 097 myń ret barsa, 2021 jyly 5 104 myń ret bolǵan dep habarlaıdy Almaty-akshamy.kz.
Halyqaralyq murajaı kúnine oraı Búro osy mádenı mekemege barýshylar jaıly statısıkalyq málimetterdi usyndy.
Murajaılarǵa barýshylardyń basym bóligi Túrkistan oblysynda – 1 492 myń kelýshi, odan keıin Astanada – 643 myń kelýshi jáne Shyǵys Qazaqstan oblysynda – 564 myń, barýshylardyń sany Shymkent qalasynyń mýzeılerinde eń az – 43 myń.
«Bul rette, Shymkent qalasynda murajaılardyń sany da kóp emes – 5 birlik. Jalpy, 2023 jyldyń 1 qańtarynda Qazaqstanda barlyǵy 271 murajaı jumys istese, bir jyl buryn olardyń sany 7 birlikke kem bolǵan. Murajaılar sany boıynsha Túrkistan oblysy kósh bastap tur – 27 murajaı, Aqtóbe oblysynda 20 murajaı jáne Almaty qalasy men Batys Qazaqstan oblysynyń árqaısynda 19 murajaıdan», – delingen habarlamada.
271 murajaıdyń 48-i – tarıhı, 109-y – ólketaný, 65-i – memorıaldyq, taǵy 14-i – qoryq murajaı, 11-i – ónertaný jáne t.b.
Aıta ketsek, 4 murajaı jekemenshik, qalǵany – memleket menshiginde.
Murajaılarda barlyǵy 2,6 mıllıon eksponat saqtaýly.