2025 jyldyń 1 qańtarynan bastap mindetti saqtandyrý boıynsha syılyqaqyny esepteý úshin qoldanylatyn túzetý koefısıentin bekitý týraly qaýly kúshine enedi, dep habarlaıdy aqshamnews.kz.
Buryn agenttik túzetý koefısıenti kólik tirkelgen aımaqtaǵy apat deńgeıine qaraı belgilenetinin habarlaǵan. Iaǵnı, Almatyda saqtandyrý úshin júrgizýshilerden kóp aqsha jınalǵanmen, kólik sanyna shaqqanda saqtandyrý boıynsha tólem az jasalsa, kólik ıesi azyraq tóleýi kerek.
Mysal retinde 2024 jyly júrgizýshi kýáligin alǵanyna 20 jyl bolǵan, Almatyda turatyn, eshqashan jol apatyna túspegen, 2010 jylǵy Toyota Camry avtokóligin júrgizetin 40 jastaǵy júrgizýshi úshin 12 aılyq polıs qansha turatynyn qarastyraıyq:
2024 jylǵy bazalyq saqtandyrý syılyqaqysy – 7014.8 teńge (1,9 AEK);
Almaty qalasynda tirkelgen avtomobıl úshin koefısıent – 2,96;
jeńil avtomobıl úshin koefısıent – 2,09;
jasyna jáne júrgizý ótiline negizdelgen koefısıent – 1;
avtomobıldi paıdalaný merzimine baılanysty koefısıent – 1,1;
13-saqtandyrý klasy boıynsha koefısıent (apatsyz) – 0,5;
Almaty qalasy boıynsha túzetý koefısıenti – 0,82.
Sonda: 7 014,8 × 2,96 × 2,09 × 1×1,1 × 0,5 × 0,82 = 19 571,75 teńge.
2025 jyly aılyq eseptik kórsetkish (AEK) 3932 teńge bolady. Bazalyq saqtandyrý syılyqaqysy (1,9 AEK) 7470,8 teńgege ósedi. Almaty qalasy boıynsha usynylǵan túzetý koefısıenti — 0.63.
Esepteıik: 7470,8 × 2,96 × 2,09 × 1 × 1,1 × 0,5 × 0,63 = 16 014,31 teńge. Demek, 2025 jyly munda polıs arzandaıdy. Mysal retinde alǵan júrgizýshi úshin saqtandyrý 3 myń teńgege arzandaıdy, al basqalar úshin soma ártúrli bolady, biraq saqtandyrý tólemi azaıady.
Almaty, Túrkistan, Jambyl, Batys Qazaqstan, Qyzylorda oblystary, sondaı-aq Shymkent pen Astanadaǵy júrgizýshiler úshin saqtandyrý polısi qymbattaıdy. Keler jyly eń qymbat polısti Qyzylorda oblysynyń júrgizýshileri rásimdeıdi.