"QazjolǴZI" ǵalymdary naryqta usynylǵan sementbeton jabyndaryn saqtap qalýǵa arnalǵan materıaldardyń tıimdiligin anyqtamaq.
Osy maqsatta eksperımenttik ýchaskelerde, naryqta usynylǵan materıaldar arasynda konkýrstyq synaqtar ótkizilmek, dep habarlaıdy aqshamnews.kz Kólik mınıstrligine silteme jasap.
Synaqtar elimizdiń ońtústik jáne soltústik óńirlerinde júrgiziledi, bul ártúrli klımattyq jaǵdaılarda materıaldardyń tıimdiligin baǵalaýǵa múmkindik beredi.
Konkýrstyq synaqtar barysynda ártúrli materıaldardyń fýnksıonaldyq qasıetteri týraly derekter jınalyp, quramyndaǵy kemshilikterdi joıýǵa jáne quramyn jaqsartýǵa múmkindik beredi.
Konkýrstyń nátıjeleri kelesi jyldyń kókteminde aıqyndalatyn bolady, sodan keıin vedimistik uıymdardyń qatysýymen sementbeton jabyndaryn kútip-ustaý kezinde naryqta bar materıaldardyń sapasy men olardy qoldanýdyń oryndylyǵy talqylanady.
Esterińizge sala keteıik, buǵan deıin jolshy ǵalymdar otandyq jol boıaýyn óndirýshiler arasynda synaq ótkizgen bolatyn. Ónimderi konkýrstyq synaqtardan ótpeıtin reıtıńi tómen óndirýshilerdi memlekettik satyp alý rásimderine qatysýǵa jibermeý kózdelýde.
Sondaı-aq, "QazjolǴZI" avtomobıl joldarynyń sapasyn jaqsartý maqsatynda qurylys pen kútip-ustaýdyń barlyq kezeńderinde qoldanylatyn materıaldarǵa tekserý júrgizip, reıtıńtik ádisti qoldanýdy kózdeýde. Al sementbeton jabyndaryn saqtap qalýǵa arnalǵan materıaldardyń fýnksıonaldyq qasıetterin anyqtaý jol ınfraqurylymyn jaqsartý jáne onyń qyzmet etý merzimin uzartý boıynsha ınovasıalyq sheshimderdi izdep-tabýǵa úshin zertteýler júrgizýge múmkindik bermek.