Senat spıkeri Máýlen Áshimbaev parlamenttik tyńdaý barysynda eńbek naryǵyndaǵy jaǵdaıǵa qatysty pikir bildirdi.
Onyń aıtýynsha, 2030 jylǵa deıin el ekonomıkasyna barlyq sala boıynsha qosymsha 1,6 mıllıon maman qajet bolady, dep habarlaıdy aqshamnews.kz.
Senat spıkeri Máýlen Áshimbaevtyń aıtýynsha, Qazaqstanda bilikti mamandar tapshylyǵy aıqyn baıqalady. Ásirese, ınjenerler, tehnıkalyq mamandar, agronomdar jáne veterınarlar joǵary suranysqa ıe.
Bul úrdis aldaǵy jyldary odan ári kúsheıe túsedi. Eńbek resýrstaryn damytý ortalyǵynyń boljamyna sáıkes, 2030 jylǵa deıin el ekonomıkasyna barlyq sala boıynsha qosymsha 1,6 mıllıon maman qajet bolady. Onyń ishinde shamamen 900 myń maman tehnıkalyq jáne kásiptik bilim berý salasynan, al 430 myń maman joǵary bilimdi mamandar qatarynan qajet. Sonymen qatar, qurylys, aýyl sharýashylyǵy, óńdeý ónerkásibi jáne kólik salalarynda kadr tapshylyǵy aıtarlyqtaı joǵary.
Áshimbaevtyń aıtýynsha, eldegi ár besinshi túlek óz mamandyǵy boıynsha jumys istemeıdi. Bul kadrlardy daıarlaý júıesiniń qazirgi ekonomıkanyń naqty sektoryndaǵy suranystarǵa tolyq sáıkes kelmeıtinin kórsetedi.
Aıta keteıik, buǵan deıin Qazaqstanda týystyq baılanystardyń saldarynan jas mamandardyń ǵarysh salasynan ketip jatqany týraly málimet taraǵan bolatyn.