Komısıanyń mindeti – monopolıasyzdandyrý boıynsha usynymdar ázirleý.
Memleket basshysynyń tapsyrmasyn oryndaý maqsatynda QR Úkimeti janynan ekonomıkany monopolıasyzdandyrý jónindegi komısıa quryldy, dep habarlaıdy Almaty-akshamy.kz Úkimettiń resmı saıtyna silteme jasap.
Komısıa quramyna Sybaılas jemqorlyqqa qarsy is-qımyl, Qarjy monıtorıńi, Básekelestikti qorǵaý jáne damytý agenttikteriniń birinshi basshylary, Úkimet músheleri, Bas prokýratýranyń jáne «Samuryq-Qazyna» AQ ókilderi kirdi.
Atap aıtqanda, komısıa jumysy sheńberinde telekomýnıkasıa, temirjol ınfraqurylymy, medıa aktıvter jáne basqa salalardaǵy negizsiz jekeshelendirilgen nysandardy memleket menshigine berý máseleleri qaralatyn bolady.
Búgin komısıanyń alǵashqy otyrysy ótti, onda QR qarjy mınıstri E. Jamaýbaev, Bas prokýrordyń orynbasary B. Dembaev jáne t. b. baıandama jasady.
Alǵashqy otyrystyń qorytyndysy boıynsha, Álıhan Smaıylov Qarjy mınıstrligine ýákiletti memlekettik organdarmen jáne «Samuryq-Qazyna» AQ-men birlesip, bir apta ishinde Úkimetke negizsiz jekeshelendirilgen nysandardy memleket menshigine berý tetikteri boıynsha usynystar engizýdi tapsyrdy.