Almaty qalasynda «Prezıdent saılaýy: jańa saıası dáýirge qadam» atty «Sarap» eksperttik klýbynyń jáne QR Ǵylym jáne joǵary bilim mınıstrligi Ǵylym komıteti Fılosofıa, saıasattaný jáne dintaný ınstıtýtynyń saıası zertteýler ortalyǵymen birlesken aımaqtyq otyrysy ótti.
Jıyn barysynda «Qazaqstandyq qoǵam dyq damý ınstıtýty» KeAQ músheleri Joldaýdyń basym baǵyttarynyń mańyzyn túsindirdi. Eki saǵatqa sozylǵan otyrysta qatysýshylar bes baǵdarǵa bólingen Joldaý daǵy el damýyna serpin beretin salalarǵa jeke-jeke toqtaldy. Joldaýda jarıalanǵan reformalardyń baǵyt-baǵdary, halyqty áleýmettik qoldaý, eldiń ekonomıkalyq damýy, jańa ekonomıkalyq saıasattyń maqsaty, bilim men densaýlyq saqtaý, quqyq qorǵaý salalaryndaǵy ózgerister, qurylys, jer, jastar máseleleri keńinen aıtyldy.
«1 qyrkúıekte Memleket basshysy Qasym-Jomart Toqaev Parlamenttiń qos palatasynyń birlesken otyrysy kezinde Qazaqstan halqyna kezekti Joldaýyn joldady. Prezıdent Qasym-Jomart Toqaev Qazaqstan halqyna Úndeýinde saılaý naýqany qatań túrde elimizdiń zańnamasyna sáıkes júrgiziletindigine kepildik beretinin málimdedi. Memleket basshysy saıası ózgeristerdi ashyqtyq, ádildik jáne ózara senim arqyly júzege asyrý mańyzdy ekenin atap ótip, aýqymdy reformalar paketin joldady. Sondaı-aq, Qasym-Jomart Toqaev kezekten tys Prezıdent saılaýy ótetindigin jarıalap, Prezıdenttiń ókilettigin qaıta saılaný quqyǵynsyz 7 jyldyq bir merzimmen shekteýdi usyndy», – deıdi «Qazaqstandyq qoǵamdyq damý ınstıtýty» KeAQ Basqarma tóraǵasynyń orynbasary Ásem Qaıdarova.
İs-sharaǵa memlekettik organdardyń ókilderi, belgili saıasattanýshylar, qoǵamdyq pikir kóshbasshylary, QR ǴJB ǴK Fılo sofıa, saıasattaný jáne dintaný ınstıtýtynyń qyzmetkerleri jáne QQDI sarapshylary qatysty. Otyrysqa qatysýshylar saılaýdyń saıası júıedegi rólin taldap, kezekti saılaý prosesindegi ınovasıalar men ózgeristerdi, ashyqtyq pen zańdylyqty qamtamasyz etýdi talqylady.