Halyqtyq shtabtyń pikirinshe, beıbit atom ekonomıkanyń turaqty ári senimdi energıa kózi retinde elimizdiń damýyna oń yqpal etedi.
Atom elektr stansıasyn (AES) salý tek qana elektr energıasyn óndirýmen shektelmeıdi, ol búkil aımaqtyń damýyna da septigin tıgizedi. AES salynatyn aımaqtyń ınfraqurylymy jaqsaryp, joldar, elektr jelileri, baılanys júıeleri jetilip, aımaqqa mýltıplıkatıvti áserin beredi.
Sonymen qatar, atom elektr stansıasy paıdalanýǵa berilgende elde ıadrolyq tehnologıalar salasy jańa deńgeıge kóteriledi. Bul ǵylym men tehnologıanyń damýyna serpin berip, jas mamandar úshin jańa múmkindikter ashylady. Elimizde ıadrolyq tehnologıalar salasyna ınvestısıalar tartylyp, joǵary tehnologıaly óndirister damýǵa jol ashpaq.
Beıbit atom — energetıkalyq táýelsizdik pen ekologıalyq qaýipsizdiktiń kepili!** AES elektr energıasynyń tapshylyǵyn joıýǵa, eldiń energıa balansynyń ártaraptandyrylýyna jáne kómirsýtekti shyǵaryndylardy azaıtýǵa kómektesedi. Osylaısha, taza energıa kózi retinde atom energetıkasy Qazaqstannyń bolashaǵyna oń yqpal etpek.
Qurmetti qazaqstandyqtar! Aldaǵy referendýmǵa qatysý — árqaısymyzdyń azamattyq boryshymyz. El bolashaǵyn birge tańdap, Qazaqstandy turaqty jáne energetıkalyq táýelsiz memleketke aınaldyrýǵa úles qosaıyq!