Elimizdegi energetıkalyq táýelsizdikti qamtamasyz etýdiń mańyzdy máselesi retinde atom elektr stansıasyn (AES) salýdyń qajettiligin erekshe atap ótkim keledi.
Álemdik kóshbasshy elder ondaǵan jyldar boıy beıbit atom energıasyn qoldanyp keledi. Atom elektr stansıalary taza jáne senimdi energıa kózi bolyp tabylady. Bul — Qazaqstannyń energetıkalyq qaýipsizdigin nyǵaıtýǵa, kómirsýtek resýrstaryna táýeldilikti azaıtýǵa jáne ekologıalyq qaýipsizdikti qamtamasyz etýge zor múmkindik, dep habarlaıdy aqshamnews.kz.
Kómir generasıasy arqyly alynǵan energıaǵa kómirtegi salyǵy engizilýi múmkin, bul qazaqstandyq taýarlardyń básekege qabilettiligin tómendetýi yqtımal. Osy sebepti bizge eldiń damýynyń kepili bolatyn taza jáne senimdi energıa kózi qajet. AES — dál sondaı energıa kózi.
Atom energetıkasy arqyly elimizde ǵylym men tehnologıalar salasy damyp, jańa múmkindikter ashylady.
Qurmetti azamattar! Aldaǵy qazan aıynda ótetin respýblıkalyq referendýmǵa belsendi qatysyp, elimizdiń energetıkalyq bolashaǵyn birge tańdaýǵa shaqyramyn. Bul — bizdiń ortaq jaýapkershiligimiz jáne elimizdiń turaqty damýyna qosatyn úlesimiz.
Muqash Zulqarnaıuly, QR Parlamenti Májilisiniń depýtaty