Tótenshelikter jolǵa shyqpaýǵa keńes beredi.
«QazAvtoJol» UK AQ-nyń 2024 jylǵy 7 aqpanda saǵat 16:00-degi derekteri boıynsha aýa-raıynyń nasharlaýyna (boran, jel, kórinýdiń shektelýi) baılanysty elimizdiń 14 óńirinde: Aqmola, Aqtóbe, Atyraý, Abaı, Jetisý, Jambyl, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan, Túrkistan, Ulytaý oblystarynda respýblıkalyq mańyzy bar avtojoldardyń 66 ýchaskesi men oblystyq mańyzy bar avtojoldardyń 77 ýchaskesinde kólik quraldarynyń barlyq túrleri úshin qozǵalys jabyq. Qostanaı jáne Soltústik Qazaqstan oblystarynda respýblıkalyq mańyzy bar avtojoldardyń 4 ýchaskesinde júk jáne qoǵamdyq avtokólik úshin qozǵalys shektelgen, dep habarlaıdy Almaty-akhamy.kz Tótenshe jaǵdaılar mınıstrligine silteme jasap.
Aqtóbe, Aqmola, Batys Qazaqstan oblystarynyń avtojoldarynda tehnıkanyń keptelisi baıqalady.
TJM jáne onyń aýmaqtyq bólimsheleri respýblıkalyq jáne oblystyq jedel shtabtar qurdy.
TJM daýyldyń aldyn alý kezeńinde jáne aýa raıynyń nasharlaýy kezinde qatty keńes beredi:
- uzaq saparlarǵa shyqpańyz;
- aýyldyq jerlerde turatyn turǵyndarǵa alys qashyqtyqqa jaıaý saıahattaýdan bas tartý;
- eldi mekenderden tys jerlerge shyqpaý;
- jabylý oryndarynda avtojoldarda kólik quraldarynyń jınalýyn jasamaý;
- múmkindiginshe eldi mekenderde, kempıngterde, jol boıyndaǵy kafelerde bolý.
Avtokólikte tótenshe jaǵdaıda sizdiń jáne jaqyndaryńyzdyń ómirin saqtap qalatyn qajetti zattar bolýy kerek – dánekerleý shamdary, kabelder, dońǵalaq tizbekteri, kúrekter, parafındi shamdar, jyly kıimder, sondaı-aq qajetti zattar, azyq-túlik, sý jáne janar-jaǵarmaı qory, telefonǵa arnalǵan avtokólik zarádtaǵyshy.
Aýa raıy jaǵdaıynyń ózgerýi jáne joldardyń jaı-kúıi týraly jedel aqparat «Darmen» mobıldi qosymshasynda, TJM jáne TJD áleýmettik jelilerdegi resmı paraqshalarynda qoljetimdi.