Burynǵy Qorǵanys mınıstri Murat Bektanov 12 jylǵa sottalǵan bolatyn.
Burynǵy Qorǵanys mınıstri Murat Bektanovtyń isi áskerı sottyń apelásıalyq alqasyna joldandy, dep habarlaıdy Almaty-akshamy.kz QazAqparatqa silteme jasap.
«M.Bektanov mamandandyrylǵan áskerı aýdanaralyq sottyń úkimimen 2023 jyldyń 24 aqpanyndaǵy QR Qylmystyq kodeksiniń 451-babynyń 3-bóligi boıynsha 12 jylǵa bas bostandyǵynan aıyryldy», - delingen jaýapta.
Úkim boıynsha ol merzimdi jazasyn qylmystyq atqarý júıesiniń qaýipsizdigi barynsha kúsheıtilgen mekemesinde óteýi kerek bolǵan.
«Úkim áli zańdyq kúshine engen joq, sottalýshy M.Bektanov pen qorǵaýshysy A.N.Podýshkın úkimge shaǵym túsirdi.
İs áskerı sottyń qylmystyq ister jónindegi apelásıalyq alqasyna shaǵym máni boıynsha qaraýǵa joldandy», - dep jazady E.Sháripbekov.
Aıta keteıik, 9 naýryz kúni burynǵy Qorǵanys mınıstri Murat Bektanov 12 jylǵa sottalǵan bolatyn.
«M. Bektanov Qazaqstan Respýblıkasy Qylmystyq kodeksiniń 451-babynyń 3-bóligi boıynsha qylmystyq ister jónindegi mamandandyrylǵan aýdanaralyq áskerı sotynyń 24.02.2023 jylǵy úkimimen sottaldy. Oǵan eń joǵary qaýipsizdik qylmystyq-atqarý júıesi mekemesinde jazasyn óteı otyryp, 12 jyl merzimge bas bostandyǵynan aıyrý túrindegi jaza taǵaıyndaldy», - dep habarlanǵan.
Atalǵan qylmystyq istiń «qupıa» túrde qaralǵanyn alǵa tartqan sot tolyq aqparat bermegen bolatyn.