Biraq bul keıbir memlekette ǵana jaramdy.
2021 jylǵy 22 qyrkúıektegi jaǵdaı boıynsha, Qazaqstan Respýblıkasynyń Syrtqy ister mınıstrligi Grýzıa, Qyrǵyzstan, Majarstan, Moldova, Mońǵolıa, Taıland, jáne Túrkıanyń ýákiletti organdarymen vaksınalaý pasporttaryn ózara taný boı notalarmen almasý jumystaryn júrgizdi, dep habarlaıdy Almaty-akshamy.kz QR SİM baspasóz qyzmetine silteme jasap.
Osylaısha koronavırýstyq ınfeksıaǵa qarsy vaksınalaýdyń tolyq kýrsynan ótken Qazaqstan jáne joǵaryda atalǵan elderdiń azamattary COVID-19-ge qarsy vaksınalaý pasporttary negizinde memlekettik shekaralardy karantındik shekteýlersiz (PTR test tapsyrý, ózin-ózi oqshalaý jáne t.b.) kesip óte alady.
«Sonymen birge Belarýs, Vetnam, Mysyr jáne Oman sıaqty elder sheteldik memleketterdiń vaksınalaý pasporttaryn birjaqty tártippen tanydy jáne kelýshilerge kirýdi jeńildetti. Atalǵan elderge barý úshin Qazaqstan azamattaryna shekaralyq ótkizý pýnktterinde COVID-19-ge qarsy vaksınalaýdy rastaıtyn qujatty usyný jetkilikti», – delingen QR SİM habarlamasynda.