Kovıd kez kelgen jaǵdaıda óz zardabyn qaldyrady.
Ekpe alǵan jáne vaksınalanbaǵan pasıentterde KVI-di emdeýdiń ortasha uzaqtyǵy jáne aýrýdan keıin ońaltý aıtarlyqtaı erekshelenedi. Bul týraly Almaty qalasynyń Óńirlik komýnıkasıalar qyzmetiniń brıfıńinde qalalyq ftızıopýlmonologıa ortalyǵynyń dırektory Janar Sápıeva aıtty, dep habarlaıdy Almaty-akshamy.kz.
«Biz koronavırýspen uzaq ýaqyt jumys jasadyq. Eger naýqastyń ókpesi 25-30%-ǵa deıin zaqymdansa, keıin fıbrotıkalyq ózgeristerge ushyraýy múmkin. Spaıkalar bolýy múmkin, biraq olar tez túzeledi. Bul jaǵdaıda ońaltý uzaqtyǵy 1 aıdan 2 aıǵa deıin bolýy múmkin», - dedi Janar Sápıeva.
Dárigerdiń aıtýynsha, eger stasıonarǵa túsken kezde ókpeniń zaqymdanýy KT-3, KT-4 deńgeıinde, ıaǵnı 30%-dan assa, onda ókpe tinin massıvti dáneker tinmen almastyrady. bronhoektazıa men adgezıa paıda bolady. Bul jaǵdaıda ońaltý uzaqqa sozylady.
«Mundaı pasıentti ońaltýdy jeke júrgizý mańyzdy. Dárigerlik ambýlatorıaǵa, jattyǵý terapevtine barý qajet, kýrorttyq em, fızıoterapıalyq prosedýralardan ótý kerek, árıne, dıeta, tamaqtaný, salaýatty ómir salty, tynys alý jattyǵýlary – bul postkovıdty pasıentke óte qajet sharttar. Kóbinese, saýyǵýdan keıin naýqastar azdap entigedi, uıqyshyldyqqa, uıqynyń buzylýyna shaǵymdanady, depressıa bolady. Kovıd kez kelgen jaǵdaıda óz zardabyn qaldyrady», - dedi Janar Sápıeva.
Eske salsaq, Almatyda ótken táýlikte vaksınanyń birinshi komponenti 7567 adamǵa, ekinshisi 12768 adamǵa salyndy.
Barlyǵy 733 142 adamǵa 01.02.2021 j. men 02.08.2021 j.aralyǵynda barlyq kezeń boıynsha vaksına jasaldy. 60 jastan asqan vaksınalanǵandardyń jalpy sany 100 430 adamdy quraıdy.
Qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń SOSO-da 167 ekpe pýnkti bar (250-ge deıin ulǵaıtý múmkindigimen). 1038 adamnan turatyn 234 ekpe brıgadasy jumyldyrylǵan.