500 myńnan astam ósim baıqalady.
Qazaqstanda kıikterdiń sanyn anyqtaý jáne baqylaý jumystary júrip jatyr. Bul týraly QR Ekologıa, geologıa jáne tabıǵı resýrstar mınıstri Serikqalı Brekeshev Úkimette aıtty, dep habarlaıdy Almaty-akshamy.kz QazAqparatqa silteme jasap.
«Rasynda da kıikterdiń sany artyp keledi. Oral popýlásıasyna kelsek, onda 500 myńnan astam ósim baıqalady. Qazirgi ýaqytta kıikter sanyn baqylaý jáne anyqtaý jumystary júrgizilýde. Bul jumysty jaqyn kúnderi aıaqtaımyz jáne 10 mamyrda kıikterdiń naqty sanyn biletin bolamyz», - dedi Serikqalı Brekeshev Úkimet otyrysynan keıingi brıfıńte.
Mınıstrdiń boljamy boıynsha, bir ǵana Oralda kıik sany 1 mıllıonǵa deıin artýy múmkin. Bul derekterdi mamandar 10 mamyrdan keıin jarıalaıdy.
Eske sala ketsek, byltyr Batys Qazaqstan oblysynyń sharýalary kıikter kóbeıip, mal jaıylymyn taptady dep shaǵymdanǵan bolatyn.