Tamyz konferensıasynda kóterilgen taqyryptyń biri eldegi ekologıalyq mádenıetti damytýǵa arnaldy.
Oqý-ádistemelik qural recycle.kz saıtyndaǵy «ekologıalyq bilim» bóliminde kópshilik qoldanýy úshin júkteýge qoıylady, dep habarlaıdy Almaty-akshamy.kz QR Ekologıa, geologıa jáne tabıǵı resýrstar mınıstrligine silteme jasap.
Ustazdar qaýymynyń májilisine bilim basqarmasynyń ókilderi, Nur-Sultan qalasynyń bilim berýdi jańǵyrtý ortalyǵynyń ókilderi, ÓKM Operatory jáne Nur-Sultan, Qaraǵandy, Temirtaý, Semeı, Petropavl, Óskemen qalalarynyń bilim berý mekemeleriniń ókilderi qatysty.
Ekologıalyq bilim berýdi damytýdaǵy mańyzdy máselelerdiń biri - oqý úrdisine ekologıa taqyrybyndaǵy materıaldy biriktirý. Kompanıanyń basqarýshy dırektory ÓKM Operatory Qaıratǵalı Haırýlla «Ekologıalyq bilimdi oqý júıesine ıntegrasıalaý» atty alǵashqy ádistemelik quraldy tanystyrdy. Mundaı quraldy mektep baǵdarlamasyna engizý óskeleń urpaqqa ekologıalyq mádenıetti ońtaıly sińirýge múmkindik beredi. Atalǵan jobada barlyq mektep pen mektepke deıingi pánder qamtylyp otyr.
Ádistemelik qural bes negizgi bólikten turady. Birinshi bólimde mektepke deıingi jáne bastaýysh synyptarǵa arnalǵan matematıkalyq jáne ádebı oqý materıaldary biriktirilgen. Ekinshisinde orta jáne joǵary synyptardyń oqý prosesine eko-bilim berýdi engizý boıynsha jumystar kórsetilgen. Úshinshi bólimde Nur-Sultan qalasy oqýshylarynyń ekologıa taqyrybyna arnalǵan úzdik esseleri jınaqtalǵan. Sońǵy ekeýi qorshaǵan ortaǵa qatysty praktıkalyq maqsattarǵa qol jetkizýge baǵyttalyp otyr.