Almatyda «Taza Qazaqstan» baǵdarlamasy aıasynda «Almaty – bizdiń ortaq úıimiz» aksıasy ótýde. Aksıanyń negizgi baǵyttarynyń biri – kásipkerlik sýbektilerin qala aýmaǵyn abattandyrýǵa jáne tazalyqty saqtaýǵa tartýǵa baǵyttalǵan «Jaýapty bıznes – kórikti qala» bastamasy.
Sonyń aıasynda bıznes qaýymdastyǵy birqatar is-shara uıymdastyrylady. Oǵan irgeles aýmaqtardy tazalaý, ǵımarattardyń qasbetterin retke keltirý jáne kógaldandyrý jumystary kiredi. Sonymen qatar, kásipkerlerge Almaty qalasynyń aýmaqtaryn abattandyrý erejeleri túsindirilip, abattandyrý pasporttaryn ázirleý boıynsha jumystar júrgizilýde.
Jobanyń maqsaty – jaýapty bıznesti qalyptastyrý, qalalyq ortany jaqsartý jáne Almaty qalasynyń tazalyǵyn birlese saqtaýǵa turǵyndardy tartý.
«Saýda ortalyǵynyń ishinde kúndelikti tazalyq jumystary júrgizilip, tártip qatań saqtalady. Bizdiń kompanıada shamamen 40-qa jýyq qyzmetker bar. Olar tazalyq jumystaryna belsendi túrde qatysady. Saýda ortalyǵyna qarasty aýmaqta qoqystardy jınap, sypyryp, aram shópterdi julyp, jáne qysta qar tazalaımyz. Bıznes úshin tazalyq – onyń bet-beınesi. Saýda ortalyǵynyń taza bolýy – biz úshin eń basty mindetterdiń biri. Bıyl ekinshi toqsanda aǵash otyrǵyzýdy josparlap otyrmyz. Sonymen qatar, sýburqaqtardy tolyq jańartý jumystary qolǵa alynbaq», – dedi marketıń departamentiniń aǵa menedjeri Andreı Tokotılov.