19 qyrkúıek kúni Shyǵys Qazaqstan oblysynda «Taza Qazaqstan» respýblıkalyq ekologıalyq aksıasy aıasynda aýqymdy aǵash otyrǵyzý sharasy ótedi. Bul ıgi iske eriktiler men qoǵam ókilderi belsendi túrde qatysady.
Glýbokov aýdany aýmaǵyndaǵy «Malo-Ýba orman sharýashylyǵy» KMM jerinde 113 myńnan astam sibir shyrshasynyń kósheti otyrǵyzylmaq. Aıta keterligi, bul bastamany eriktiler men blogerler erekshe qoldap keledi. Bıyl kóktemde olardyń kúshimen Marqakól aýdanyndaǵy «Marqakól orman sharýashylyǵy» aýmaǵynda 30 myńnan astam kóshet otyrǵyzylǵan bolatyn.
«Taza Qazaqstan» aksıasy – eldiń tabıǵatyna beıjaı qaramaıtyn azamattardy, qoǵam qaıratkerlerin jáne jastardy biriktiretin ortaq is. Bul – jasyl qordy saqtaý men kóbeıtýge baǵyttalǵan naqty qadam ǵana emes, sonymen birge bolashaq ekologıalyq amanat úshin árbirimizdiń azamattyq jaýapkershiligimizdiń aıqyn kórinisi.