Astanada DDU, BUU, EO-dan joǵary deńgeıdegi negizgi halyqaralyq áriptesterdiń, jetekshi sarapshylardyń, dıplomatıalyq korpýs ókilderiniń qatysýymen «Qorshaǵan ortany qorǵaý máseleleri jáne adam, janýarlar men qorshaǵan ortanyń ózara is-áreketi arqyly múmkin bolatyn sheshimder» atty densaýlyq saqtaý boıynsha áriptesterdiń ekinshi forýmy ótti, dep habarlaıdy aqshamnews.kz.
Densaýlyq saqtaý mınıstrligi DDU-nyń Qazaqstandaǵy eldik ofısimen birlese otyryp, qorshaǵan ortany qorǵaý salasyndaǵy negizgi ulttyq basymdyqtardy talqylaý jáne ekologıalyq faktorlardyń adam densaýlyǵyna teris áserin azaıtý boıynsha birlesken kúsh-jigerge shaqyrý úshin barlyq múddeli taraptardyń ekinshi kezdesýin uıymdastyrdy.
«Prezıdent Qasym-Jomart Kemeluly Toqaev óziniń jyl saıynǵy Qazaqstan halqyna Joldaýynda ekologıany jaqsartýdy jáne qorshaǵan ortaǵa uqypty qaraýdy bizdiń Úkimet úshin basym baǵyt retinde belgiledi. Bizdiń óńirdegi eń mańyzdy ekologıalyq daǵdarystardyń biri bolyp tabylatyn Aral teńiziniń problemasy ózekti bolyp qala beredi. Osy jyldyń kókteminde Qazaqstan elimizdiń kóptegen óńirlerine aıtarlyqtaı zalal keltirgen eleýli sý tasqynyna tap boldy. Bizdiń Forýmdy ótkizý ekologıalyq jaǵdaıdy jaqsartý boıynsha sharalar qabyldaýdyń ózekti qajettiligin kórsetedi», - dep atap ótti QR Densaýlyq saqtaý mınıstri forýmǵa qatysýshylarǵa arnalǵan kirispe sózinde.
Áriptester forýmynyń ekinshi otyrysynyń maqsaty densaýlyq saqtaý salasynyń negizgi máselelerin, jalpy el boıynsha da, jekelegen óńirlerde de ekologıalyq apattardyń týyndaýyna neǵurlym osal ekologıalyq fon men qorshaǵan ortany nyǵaıtýǵa baǵyttalǵan jaqsartý saıasaty men strategıalardy talqylaý boldy, atap aıtqanda dóńgelek ústelde Aral óńiri problemasy kóterildi.
«DDU Eýropalyq óńirlik búrosynyń atynan densaýlyq úshin II áriptester forýmyna shaqyrǵany úshin men shyn júrekten alǵysymdy bildiremin. Búgin biz Qyzylorda, Ulytaý jáne Atyraý sıaqty oblystarda qorshaǵan ortanyń halyqtyń densaýlyǵyna áserin talqyladyq. Bul Forým donorlar men áriptesterdi yntymaqtastyqqa jáne birlesken sharalar qabyldaýǵa shaqyrýdyń tamasha platformasy boldy. Men sondaı-aq Qazaqstan Úkimetine qorshaǵan ortanyń adam densaýlyǵyna áserin zertteýde mańyzdy ról atqaratyn «Biryńǵaı densaýlyq» tásilin iske asyrýdaǵy eleýli ilgerileýi úshin rızashylyǵymdy bildiremin», - dep atap ótti DDU-nyń ınfeksıalyq aýrýlar, qorshaǵan orta jáne densaýlyq jónindegi Eýropalyq búrosynyń bólim dırektory Robb Battler.
DDU-nyń Qazaqstandaǵy ókili, doktor Skender Sylanyń aıtýynsha, qorshaǵan orta jáne tótenshe jaǵdaılarǵa den qoıý salasyndaǵy kúsh-jigerdi biriktire otyryp, biz densaýlyq saqtaý júıesin aıtarlyqtaı nyǵaıta alamyz.
«Qazaqstan jahandyq jáne óńirlik ekologıalyq syn-qaterlerdi talqylaý úshin dıalog alańyna aınalýǵa daıyn. Kúsh - jigerimizdi biriktire otyryp, biz Qazaqstanda ǵana emes, búkil álemde adamdardyń densaýlyǵy men ál-aýqatyn jaqsartýǵa eleýli úles qosa alatynymyzǵa senimdimin", - dep atap ótti A.Álnazarova.
Ótkiziletin kezdesý nátıjesinde adam, janýarlar men qorshaǵan ortanyń ózara is-qımylynyń qıylysynda týyndaıtyn problemalardy sheshý úshin forýmǵa qatysýshylar ótkizetin is-sharalar týraly esep, sondaı-aq sektoraralyq jáne vedomstvoaralyq yntymaqtastyqty kúsheıtý jónindegi usynymdar daıyndalatynyn atap ótemiz.