Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy Áleýmettik medısınalyq saqtandyrý qory fılıalynyń dırektory Tileýhan Ábildaev habarlady. 2021 jyly joǵary tehnologıalardy paıdalana otyryp jasalatyn operasıalar men manıpýlásıalarǵa barlyǵy 14,9 mlrd teńge baǵyttaldy dep habarlaıdy almaty-akshamy.kz
Mindetti medısınalyq saqtandyrýdyń arqasynda almatylyqtarǵa EKO sıaqty qymbat qyzmetter qoljetimdi. Eger 2020 jyly 563 mln teńge somaǵa 643 EKO manıpýlásıasy júrgizilse, 2021 jyly 3687 qyzmetke 3,5 mlrd teńge baǵyttaldy. Ósim 5,7 ese.
«Qazir Almaty boıynsha medısınalyq saqtandyrý qorymen kelisimshart aıasynda 8 medısınalyq uıym ekstrakorporaldyq uryqtandyrýdy júzege asyrýda», - dedi T. Ábildaev.
Sondaı-aq, ol 2020 jyly joǵary tehnologıalardy qoldana otyryp, 184 kardıohırýrgıalyq operasıa jasalǵanyn, al ótken jyly 5,7 mlrd teńge somasyna 1329 qyzmet kórsetilgenin atap ótti.
Budan basqa, ótken jyly TMKKK boıynsha qarjylandyrý aıtarlyqtaı artty – MÁMS qorynan shamamen 182,2 mlrd teńge baǵyttaldy. Onyń ishinde jedel medısınalyq kómek pen sanıtarlyq avıasıa qyzmetterine 9,8 mlrd teńgeden astam qarjy bólindi.
Alǵashqy medısınalyq-sanıtarlyq kómekke 36,8 mlrd teńge, stasıonarlyq kómekke 14,1 mlrd teńge, onkologıalyq naýqastarǵa medısınalyq kómekke 16,5 mlrd teńge, konsýltasıalyq-dıagnostıkalyq kómekke 2,4 mlrd teńge, ambýlatorıalyq gemodıalızge 5,8 mlrd teńge bólindi.